雞肉燕麥粥

雞胸肉洗淨抹乾，切薄片，落鹽、胡椒、豉油、蠔油、生粉、水同麻油醃勻。

前一晚將冬菇、洋蔥、菠菜切好，紅蘿蔔切絲，放雪櫃備用。

朝早起身後，先燒一壺滾水，然後先準備其他嘢。

不黏鑊落少少橄欖油，中大火炒醃好嘅雞肉至半熟，起鑊備用。

落洋蔥同紅蘿蔔落鑊炒，炒至洋蔥微黃、紅蘿蔔略軟即可。

落冬菇同少少鹽，幫助冬菇快啲出水變軟，略炒幾下即可。

將滾水倒入鑊中，落燕麥攪勻，蓋上蓋用細火煮2分鐘。

放入菠菜同之前炒好嘅雞肉，攪勻煮至菠菜軟身。

菠菜一軟即刻熄火，上碟前淋少少麻油即可享用。