蒸水蛋

先用水沖洗雞蛋，再浸喺室溫水入面，等佢回到室溫。

先秤好雞蛋嘅重量，然後加入大約一點五倍重量嘅飲用水，攪勻。

將蛋液用細篩過一次，去除蛋白筋，咁蒸出嚟先會夠滑。

用匙羹或廚房紙撇走蛋液表面嘅泡泡，蒸出嚟先靚。

將蒸鍋嘅水煮滾，確保蒸架係喺水面以上一定高度。

用保鮮紙或碟蓋住蛋液防水滴，慢火蒸七分鐘。

熄火後唔好開蓋，讓蒸水蛋喺煲入面再焗多七分鐘。

淋上豉油，撒蔥花，最後淋少少熱油，即可上碟。