肉桂卷

將麵包粉、鹽、即溶酵母同糖落碗入面攪勻。

倒入鮮奶，攪拌約1至2分鐘，直至無粉粒為止。

用保鮮紙或毛巾蓋住，靜置20分鐘。

將牛油包入麵糰入面，持續搓約10分鐘至麵糰光滑。

用保鮮紙或毛巾蓋住麵糰，發酵約1小時。

用手按壓麵糰排走空氣，然後搓成光滑圓球。

將整形好嘅麵糰蓋住，靜置15分鐘。

將肉桂粉同黃糖混合攪勻備用。

將麵糰反轉，用麵棍擀成長方形。

掃上溶化牛油，均勻撒上肉桂糖，一端留少少邊位。

輕輕將麵糰捲緊，收口壓實，然後切成大小相同嘅件。

蓋住肉桂卷發酵30分鐘，然後喺預熱好嘅180°C焗爐焗20分鐘。