節瓜鹹蛋肉片湯

用刀刮去節瓜皮，然後切走兩頭。

豬肉沖洗乾淨，然後浸喺清水入面約15分鐘，去除異味。

鹹蛋沖洗乾淨，然後將蛋黃同蛋白分開，分別放喺兩個碗入面。

刮去薑皮，切成幾件，然後用刀側拍扁。

浸好嘅豬肉再沖洗一次，用廚房紙印乾，然後切成薄片。

豬肉片加少少糖、鹹蛋白、白胡椒粉、栗米粉、水同油，攪勻醃好。

水煮滾後，落薑、節瓜、豬肉片同鹹蛋黃入煲。

蓋鍋大火煮滾，然後轉細火煮多15分鐘。

煮好後，撇走浮喺面頭嘅白色泡沫，湯底會更清。

轉中火，倒入鹹蛋白，輕輕由四邊推入中間，整出大蛋花。

湯再次大滾後熄火，蓋上蓋焗15分鐘。

開蓋輕手攪一攪，試下味，需要嘅話加少少鹽，然後盛入碗入面上桌。